我真係好鐘意去旅行～
亦因為我職業嘅關係，我經常都周圍飛～
只係短短5個月內～我差唔多飛咗成2個月～
而令我買得最多嘢嘅～當然係「日本」啦～
雖然日本已經去過好多次～
但我發覺每次買極都仲有嘢要買咁～
當中會有新產品，亦都有啲係不斷回購嘅產品～
等我同大家分享下啦～
首先就講下我每次嚟到日本都必回購嘅產品～
1：Love Liner Liquid eyeliner
眼妝對我嚟講真係好重要～
但我雙眼屬於易出油而眼尾易出淚水嘅類型～（極麻煩…）
呢支眼線筆係我不斷回購嘅產品之一～
易畫又keep得耐～（當然眼尾有時都要補一補）
但整體嚟講都真係唔錯㗎～
2：KATE 眉筆連眉GEL
呢支KATE眉筆我已經回購咗N次～
因為本身我頭髮顏色比較淺～
而佢嘅眉筆同我髮色又勁match～
特別鍾意佢嘅筆頭～
（同埋唔會好似某啲眉筆咁，畫多幾筆就起粒粒）
所以無論我自己嘅化妝袋～定出job嘅化妝箱都會必備～
講完回購產品，就講下今次買咗啲咩新產品先～
3：NARS Dual-Intensity Eyeshadow Palette
呢盒眼影我第一眼見到都已經好心動～
（雖然香港好似已經出咗一段時間，我4月先係日本買…）
所以當我見到日本仲有得買而又係限定…
只好比個藉口自己去買～
＊遲啲試用完會再仔細同大家分享～
4：Yuagari Suppin Powder
呢盒Powder係我最先係日本買嘅嘢～
因為之前上網已經見到好多人大讚超正～
加上佢有陣勁香嘅玫瑰味～
（我對玫瑰味嘅嘢真係好無抵抗力…）
但用後發覺「無想像中咁好用」～
佢真・係・好・白！
（我本身皮膚已經係好白嘅人～
搽上面都真係覺得太白啦～）
而家惟有當佢 highlight 用！
5：Diamond Makeup Base
呢隻牌子嘅嘢其實我一早都想試～
但因為佢唔係到到都有得買嘅關係～
幾次嚟到都無買～今次比我見到唸到無唸就買咗啦～
呢支Makeup Base都屬於潤身～
質地都厚厚地～不過都易推開，搽上面都有光澤感～
但如果你哋皮膚好似我咁～
兩頰屬於中性T字位易出油嘅話～
就唔建議係大熱天時用～
我試過返嚟香港用～塊面令到可以煎蛋咁…
而家惟有等到冬天先再用～
（希望到時仲記得我有呢支嘢啦～哈哈）
6：AC Makeup Base (Little Twins Star版）
呢支Makeup Base好明顯我係比佢外表吸引咗嚟買啦～
不過AC呢個牌子～
其實一早就已經係好多日本雜誌上都有出現過～
我之前都想試但次次最後都唔知點解無買到…
個人幾鍾意佢薄身嘅質地～
好易推亦都好有光澤感～
我自己會鍾意呢支多過Diamond個支～
7：AVANCE 睫毛美容液
呢支我好耐好耐之前曾經用過～
但無咩印象好唔好用～
今次見到佢出咗Little Twins Star版～
所以又買支返嚟試下～
我私心對呢隻牌子有好感㗎～
因為佢支睫毛液我超・鍾・意！
（回購咗勁多支！不過今次係日本居然搵唔到！）
8：Fasio Smart Curl Mascara
Fasio睫毛膏曾經都係我至愛用嘅睫毛液之一～
今次見到都買定支係屋企備用～
9：MOTE MASCARA
見到佢嘅包裝太吸引我啦～
我見佢呢隻睫毛膏好似幾hit咁～
我就買支嚟試用啦～
而呢個公主版好似只有Its’ DEMO先有得買㗎～
10：Diamond 胭脂
呢盒胭脂我自己好鍾意用～
勝在易上色又Keep得耐～
所以我買咗2盒返嚟用～
（而家唸返有啲後悔無買橙色添～）
遲下再去買過先得！
11：假睫毛＆睫毛膠水
平時嘅我係唔會痴假睫毛～
（當然要影相或出席活動時除外啦～）
要令一個唔多痴睫毛嘅人買嘅原因只得二個～
一：買比客人用
二：價錢太吸引
而今次係價錢太吸引啦～
1000 YEN就有呢set啦！
今篇就介紹我部分日本化妝品嘅戰利品～
下次再同大家分享我其他係日本嘅戰利品啦～
www.facebook.com/procedomakeup
https://instagram.com/procedomakeup